«Сценарий развлечения для детей старшей группы «Золотая осень»


« Көмүс күһүн»- аралдьытыы.Зал иһигэр бэһиэлэй музыка ырыа дуораһыйар, оҕолор ыытааччыны кытта залга тэҥҥэ киирэллэр.
Ыытааччы:- Көрүҥ эрэ оҕолоор, биһиги залбыт наһаа үчүгэйдик киэргэммит! Тула өттүбүт барыта саһаран көстөр. Билигин дьыл ханнык кэмэй? (Күһүн). Саамай сөп.
Хаһыҥ түһэн сарсыарда,
Хатыҥ чараҥ кырыарда,
Сэбирдэхтэр туруттан
Сиргэ дайан түстүлэр.
Биһиэхэ тыал сэбирдэхтэри аҕалан бырахпыт. (сиргэ сэбирдэхтэр тэлгэнэ сыталлар).
Күһүҥҥү сэбирдэхтэр кыраһыабайдар даҕаны, кинилэргэ анаан ыллыаххайыҥ!
Орто бөлөх толорууларыгар ырыа –« Көмүс күһүн”.
Улахан бөлөх хоһоон-« Күһүн».
Ыытааччы: Күһүн - саамай кыраһыабай дьыл кэмэ! Тыабыт кыһыл көмүһүнэн сууламмыт. Күһүн дьон бары оҕуруоттарын хайыылларый? (хомуйаллар), элбэх үүнүүнү ылан үөрүүлэрэ үксүүр. Күһүҥҥү киһи күлбүтүнэн диэн өс хоһооно баар.
Ыытаачы: (иһиллиир).
Ким эрэ биһиэхэ иһэр,
Ким эрэ биһиэхэ ыксыыр,
Ытыспытын таһыныахха
Кинини уруйдуохха
Биһигини кини буллун!
(Музыка тыаһыыр, оҕолор ытыстарын таһыналлар. Залга былытчаан сүүрэн киирэр, илиитигэр уулаах биэдэрэ тутуурдаах.
Былыт:
Мин күһүҥҥү күөх былыппын,
Кырачаан да буоллар – күүстээхпин,
Баҕардахпына барыгытын
Ардахтаан илитиэм
(музыка тыаһыыр. Былыт оҕолор диэки сүүрэр, ууннан оҕолору ибиирэр)
Ыытааччы:
Былыт, былыт тохтоо
таммахтаргын кистээ!
Биһиги ардах туһунан
ырыаны бэлэхтиэхпит!
Ырыа. Ардах (оҕолор бары музыканнан үҥкүүлүүллэр).
Былыт:
Наһаа үчүгэй ырыа!
Баһыыбаларыҥ оҕолоор,
Ардах түһэр күнү быһа
Түннүкпүтүн тоҥсуйар,
Сир бары, сир бары,
Ардахтан илийдэ
Ыытааччы:
Биһиги зонтик ылыахпыт,
Ардах да түстэр, күүлэйдии барыахпыт!
(2 зонтик бэлэмниибит).Оонньуу “ Зонтик”.
Оҕолор 2 командаҕа арахсаллар. Хас биирдии хамаанда биирдии зонтигы ылар. Бастакы оонньооччулар зонтигы туппутунан харыйаны тула эргийэн кэлэн иккис оонньооччуга биэриэхтээх. Оонньуу бу курдук оҕолор бүтүөхтэригэр дылы оонньонуохтаах. Ким хамаандата бастакы кэлбит – ол кыайар.
Былыт:
Бэһиэлэйдик оонньоотубут,
Сымсабытын көрдөрдүбүт
Ол да буоллар биһиэхэ
Туохпут эрэ тиийбэт
Ыытааччы:
Күммүт суох биһиэхэ.
(музыка тыаһынан доҕуһуолланан залга күн киирэн кэлэр)
Күн:
Дорооболоруҥ оҕолоор! Дьэ бу мин кэллим!
Күнү оҕо барыта билэр,
Күнү наһаа таптыыллар,
Күн күүскэ-күүскэ тыгар,
Күн итиитинэн угуттуур!
Күн барыларыгар наада,
Күн барыгытыгар туһалаах!
Былыт:
Күн, күн тохтоо!
Бу миигин көр (эргийэр),
Мин иһим барыта уу,
Уу хаһан баҕарар наада!
Ол аата мин наадалаахпын.
Ол аата миигин бары сөбүлүүллэр!
Күн уонна былыт этиһэллэр, атахтарынан тиҥилэхтииллэр.
( музыка тыаһыыр).
Ыытааччы:
Уоскуйуҥ, уоскуйуҥ уонна
Баһаалыста этиһимэҥ!
Биһигини кытта үҥкүүлээҥ!
Эйэлэһин, доҕордоһун!
Эьиги иккиэн биһиэхэ наадаҕыт!
Эьигинэ суох биьиги сатаммаппыт!
(бары үҥкүүлүүллэр. Бэһиэлэй музыка тыаһыыр).
Күн:
Баһыыбаларыҥ оҕолоор!
Олус да үчүгэйдик үҥкүүлээтигит!
(музыка тыаьыыр, былыттаах, кун эргийэн үҥкүлүүллэр).
Былыт:
Наһаа бэһиэлэйдик эргийдибит,
Уонна доҕордуу буоллубут!
Ыытааччы:
Эһиги доҕордоспут буоллаххытына бырааһынньыкпытын салгыыбыт!
Бары корзина тутуурдаах
Тыаҕа тугу хомуйалларый?
Оҕолоор эһиги таайыҥ.
Тиит анныгар
Чөмөхтөһө үүнэллэр,
Соҕотох атаҕар сэлээппэлээх
Ол тугуй?
(тэллэй)
Былыт:
Көрүҥ эрэ, оҕолоор!
Тула араас тэллэйдэр үүммүттэр!
Күн:
Чэ, эрэ!
Тэллэйдэри хомуйуохха!
(оонньуу ыытыллар).
Былыт:
Дьэ, барытын бу корзинаҕа хомуйдубут,
Наһаа интэриэһинэйдик оонньоотубут
Күн:
Дьэ, билигин аны сайыны атаарабыт, күһүнү көрсөбүт!
Оҕолор:
Покаларын! (былыты, күнү кытта быраһаайдаһаллар).
Былыт:
Көрсүөххэ дылы!
Ыытааччы:
Оҕолоор, билигин мин оҕуруот астарыгар таабырын таайтарыам.
Сайын оҕуруокка от күөхтэр, сибиэһэйдэр. Кыһынын иһиккэ тууһанан ууруллаллар. (оҕурсуу)
Буорга үүнэр буоламмын
Буор курдук дьүһүннээхпин,
Килиэби солбуйар,
Иккис аһылык буолабын. (хортуоппуй)
Битэмииним чааһынан инники соҕус буолуом.
Миигин куобахчаан курдук кэрбээтэххинэ
Муус доруобай буолуоҥ. (моркуоп)
Миигин баҕас атастаар! Эндэппэккэ билэҕит,
Элбэх, элбэх ырбаахылаахпын да
Биирэ да тимэҕэ суох. (хаппыыста)
Оҕуруот астарын таайдыгыт! Остуолга туохтар сыталларый? ( О5уруот астара)
Аны билигин группанан арахсан бэйэбит салаат оҥоруохпут. (моркуоп, помидор, оҕурсуу, лук, хаппыыста остуолга тэлгэнэр).
Салаат оҥорорго ханнык оҕуруот астара наадаларый? Салааты оҥорорбутугар сэрэхтээх буолуохха наада. (улахан таас, подставка, кыра быһахтар). (П. И. Чайковскай музыката иһиллэр).
Оонньуу: “ Ким түргэнник хомуйар”.
Иитээччи оҕолорго оҕуруот астарын корзинаҕа хомуйтарар.
( Иитээччилэрин кытта салаат арааһын оҥороллор).
Ыытааччы:
Биһиги иннибитигэр араас салааттар оҥоһуллубуттар. Барыгытын мааны остуолбутугар ыҥырабыт. (оҕолор аһыыллар).
Оҕолоор, ханнык дьыл кэмин атаардыбыт? Бары көхтөөхтүк кытынныгыт. Аны күһүммүт маннык үүнүүлээх дьылы биэрдин диэн алгыыбын.
(Музыка тыаһыыр)

Приложенные файлы


Добавить комментарий