«Сценарий праздника » День Учителя»


Учуутал күнүгэр аналлаах тэрээһин.
1.Ыытааччы:
Учуутал олоҕун ситимэ – оскуола
Хас уруок – кини үлэтин түмүгэ,
Олоҕун күннээҕи түбүгэ
Үтүө киэһэнэн биһиги оҕолорбутун наука араас эйгэтин биллэрэн уһуйар, угуйар, сырдыкка – кэрэҕэ сирдиир учууталлар!
2.Ыытааччы: Убаастабыллаах учууталларбытын бу профессиональнай бырааһынньыккытынан – Учуутал күнүнэн итиитик – истинник эҕэрдэлиибит!
1 Ыытааччы:
Учуутал! Хас биирдии киһи учуутал билиититтэн кынат үүннэрэн олох киэҥ аартыгар үктэнэр. Учуутал баар буолан, алыптаах музыка эйгэтигэр, уустук ахсаан суотугар, төрөөбүт төрүт тыл умсулҕаныгар биһиги эттиин – хаанныын уһуйуллабыт, уйдарабыт.
2.Ыытааччы:
Учуутал, учуутал барахсан ,Уруокка өрүүтүн кыһаллан,
Чуолкайдык быһааран биэрэргин,
Чуумпуран олорон истэбин.
Учуутал, учуутал барахсан,
Үөрэтэр, уһуйар дьарыктаах
Убаастыыр киһибитин –
Эйиигин ийэҕэ тэҥниибит!
2.Ыытааччы: Учуутал эйиэхэ Эҕэрдэ этэбит,
Киэн тута, махтана,
Бэлэх уунабыт.
Пенсияҕа тахсан бочуоттаах сынньалаҥҥа олорор убаастабыллаах коллегаларбытын Н.С.Атласовы, П.П.Атласованы, Г.Н.Черноградскаяны, Г.В.Атласовы Учуутал кунунэн эҕэрдэлиибит. Тыл бэриллэр оскуола профсоюһун председателигэр Э.Ю.Черноградская5а.
1.Ыытааччы: Учуутал алыптаах мичээрэ Үгүс дьон сүрэҕэр уйалан,
Учуутал алыптаах идэтэ Үйэттэн-үйэҕэ уруйдан!
(Эҕэрдэ номер)
2.Ыытааччы: Үрдүккэ, сырдыкка көтүтэр,
Үтүөнү-кэрэни үксэтэр Үтүөкэн киһибит учуутал Үйэ саас эйиэхэ дьиҥ махтал!
(Эҕэрдэ номер)
1.Ыытааччы: Сайаҕас учуутал барахсан Саргылаах билиини биэрэҕин
Сандаарар саҕаҕы арыйан Сулустаах суолбутун тэлэҕин.
(Эҕэрдэ номер)
2.Ыытааччы: Учуутал эн өрүү
Уот сулус буолаҥҥын,
Кэрэҕэ, сырдыкка Угуйа тураҕын!
(Эҕэрдэ номер)
1.Ыытааччы: Учуутал эн -
Маҥнайгы чугдаарар чуораанныын Мындыр өй суолугар сирдиигин,
Саҕахтан сапсынар сарыаллыын Сандаарар сырдыкка илдьэҕин!
(Эҕэрдэ номер)
2.Ыытааччы: О5о саас умсулҕан иэйиитин Оһуордаах олугун уураҕын,
Төрөөбут дойдубут кэскилин Төлкөлөөх түөрэҕин түстүүгүн.
(Эҕэрдэ номер)
1.Ыытааччы: Уруйдан, айхаллан учуутал-
Умсугута уһуйар аанньал Эйиэхэ этиллэр дьин таптал,
Эдэртэн, кырдьаҕастан махтал!
Үөрэнээччилэрин махталларынан,
О5олорун ситиһиилэринэн,
Бар – дьонун үөруулэринэн кынаттанан
Өссө да уһуннук улэлээн,
Уолбат уйгуланын, уостубат олохтонуҥ!
2.Ыытааччы: Утуйар ууларын умнан туран, үөрэх абыланар оҕолору уһуйар, убаастабыллаах учууталлар!
Эһигини бука барыгытын бырааһынньыккытынан ис сурэхтэн долгуйан туран эҕэрдэлиибит! Үлэҕитигэр үрдүктэн үрдүк ситиһиилэри, кытаанах доруобуйаны, элбэх – элбэх үөрүүнү, дьолу баҕарабыт!
Күн кэрэ киһиэхэ
Учуутал, эйиэхэҮөрэтэр утүөҕэр
Махталбыт хаһан да бараммат буолуоҕа!
диэн алгыс тылынан бүгүҥҥү Учуутал күнүгэр аналлаах дьоро киэһээбитин түмүктүүбүт.
Эдьээн б.
2015 с

Приложенные файлы


Добавить комментарий