Сценарий ко Дню родного языка


Сценарий мероприятия ко ДНЮ РОДНОГО ЯЗЫКА
Школа: МБОУ Чураковская ООШ
Велӧтісь: Данилкина Вера Алексеевна, учитель коми- пермяцкого языка и литературы
Вежалун мам кывлӧн.
Мог: зорӧтны интерес мам кывлӧн история дынӧ.
Оформленнё: Класс оформитӧм кыдз коми – пермяцкӧй керку: ӧшлӧмась серӧтӧм чышкӧттэз, джоджын ольсалӧм джодждӧра, пызан вевттьӧм пызандӧраӧн.
Вежалун чулӧтϋм:
1.Орсӧ коми – пермяцкӧй сьыланкыв И.А.Мининлӧн «Коми край, тэ
менам».
Велӧтчись: Не сія дивоыс, что мортлӧн выв,
Дзик чача, басӧка волькӧтӧм ,А сія дивоыс – эм мортлӧн кыв,
Эм сёрни – разь не диво эта?
Кытӧн тэ сёрни, чужин и кинсяньВелалін чудоэсӧ керны?
Мый эта:мама, шонді, нянь?
Кысь эна: овны, мича, Перем?
Мыля висьтавны верман, что КудымПермяк увтырлӧ дружба кӧсйӧм,
Что горт дын радейтӧмным миян пым,
А враг дын ненависть пыдӧстӧм.
Оланыс тэнӧ йывдӧма бура:
Мукӧдпыр верман сідз висьтавны,
Кӧть горзы сэтӧн, кӧть серав_
Не пуртӧн зыртны, не керавны.
И тэ пондаись мирас абу суд,
Иганнэз абу некытшӧмӧсь,
И кыдзи лэбзян менам ӧмись_
Некин ни тэнӧ оз панӧвт, оз кут.
И медбы вӧлі мулӧн сӧстӧм выв,
Мед лёк войнасӧ эз тӧд светыс,
Не пуля колӧ, не ракета,
А сія дивоыс,
Простӧй и мирнӧй кыв.
Медодз висьтасись:: Бур лун, дона челядь, велӧтіссез!.Талун миян ыджыт лун –Вежалун Мам кывлӧн. Кыв сетам история велӧтісьлӧ, кӧда висьтасяс миянлӧ, кӧрсянь пондісӧ чулӧтны Вежалун коми –пермяцкӧй кывлісь.
Велӧтiсьлӧн висьтасьӧм.
Мӧдік висьтасись: Быд отирлӧн эм аслас кыв. Кужны баитны, тӧдны кыв либо не ӧтік кыв – этӧ мортлӧн ыджыт богатство.Эд только кыв отсалӧ вежӧртны ӧтамӧдӧс, сідз кыдз кылыс – баитан средство. Кыв отсалӧ ӧктыны да сетны ӧтік поколеннёсянь мӧдіклӧ олан опыт да знаннёэз. Пармаын олісь отирлӧн тожӧ эм аслас кыв – коми- пермяцкӧй кыв. Мича, вына, сӧстӧм, сія – народыслӧн медыджыт богатство. Коми – пермяцкӧй кыв ӧтлаын коми -зырянской, удмуртской, марийской да мӧдік кыввезкӧт пырӧ финно- угорскӧй кыв позӧ.
Куимӧт висьтасись: Коми –пермяцкӧй кыв олӧ мӧдік кыввез коласын не ӧтік век дырна. Сы пыр мийӧ вежӧртам ӧтамӧднымӧс. Сія отсалӧ миянлӧ висьтавны думаэз, моггез, кӧсйыны бурсӧ и бытшӧмсӧ, мыччавны рамсӧ и лёксӧ, шудсӧ и шогсӧ, норсӧ и гажсӧ. А эшӧ - кыв отсалӧ мортлӧ вежӧртны асьсӧ, ас гӧгӧрись олансӧ, отирлісь история. Кыв пыр туйӧ тӧдны, мый керисӧ да кыдз олісӧ важся кадӧ отир, кытшӧм паськӧм новйисӧ да сёян сёйисӧ, кӧр уджалісӧ да кыдз шоччисисӧ, кытӧн сувтӧтлісӧ оланін.
Челядь сьылӧны песня «Нёль вон»
Велӧтчись: Ме – коми - пермячка,
И менам эм ним, менам эм кыв.
Ме – Пармалӧн ныв.
Он чапкы кывтӧ – ендан сэк гортат,
Он ло тэ мортӧн.
Ми, коми йӧзыс,
Роч сьӧрӧ вӧтчам, гортаным олам-
Кывсиным полам.
Юрвемӧдз ась вачкӧ,
Быдыс ась кылӧ: ме ог стыдитчы,
Кывнам гордитча.
Ме – коми –пермячка.
И тӧдӧ, кӧть кин: ме коми ныв,
Донта мам кыв.
Комиэз, ёрттэз!
Горӧн висьталӧ: менам эм горт,
Ме – Пармалӧн морт!
Нывкаэз коми –пермяцкӧй костюммезӧн йӧктӧны танец «Лёнок».
Велӧтчись: Коми кыв ме тӧда,
Ыджытӧ оз пуксьы.
Тӧда ме и сійӧ:
Оз бӧбӧт, оз мугсьы.
Менам сія дона,
Небыт, мича ,гора-
Ен менӧ проститас,
Комиӧн кӧ кора.
Менам сойлӧн- вонлӧн
Да аймамлӧн сёрни!
Пыр югьялӧ шонтӧ,
Бытьтӧ дзирыт шонді.
Аслам зыбка дынын
Этӧ кыв ме кывлі,
Кыдз сійӧ вунӧтан?
Только кулӧм дырни.
Сылісь гажсӧ, шудсӧ
Сьӧлӧмнам ме кывліМедодзза кывбурсӧ
Комиӧн ме сьылі.
Мывкыда да мӧдкодь
Кинкӧ кыввез шуас-
Коми отир сэкиУна бурсӧ кылас.
Велӧтчись:
Менам нежнӧй коми кыв, тэ небыт сьӧлӧма,
Ласков киа, кузь юрсиа, небо синнэза.
Кӧр чужйися, кутан киат, он сет кынмыны,
А кӧр мыдза, сэк волькӧтан менӧ юрӧттям.
Менам ласков коми кыв, тэ пыр быдӧс адззан,
Тэ уялан и лэбалан, небыт басниа,
Небо синнэзӧн свиттялан, кӧр сералыштлан,
Да окалан ота «о» - нат менӧ сьӧлӧмам.
Велӧтісь: А ӧні челядьыс лыддьӧтасӧ ассиныс гижӧм кывбуррез.Челядь висьтасьӧны кывбуррез.
Мунӧ классын ыджыт спор:
-Мыйлӧ колӧ мортлӧ горт?
-Оз сет сія меным нем.
Весь ме жугда ассим вем.
-Кыдз оз сет? А мам, семья?
Нійӧ он любит тэ? А?
-Коми кыв ме понда горт,
Сія менам - дона ёрт.
Велӧтісь: А ӧні уськӧтам тӧд вылӧ коми –пермяцкӧй пословицаэз. Ме висьтала одзза торсӧ, а тійӧ помсӧ:
Горт муыс - роднӧй мам.
Кӧть кыт ветлӧт – а горттӧ тӧд.
Куим пельӧса – да аслат керку.
Йӧз муас и - гортiсь ракалӧ рад.
Велӧтісь: Коми –пермяцкӧй кылын эмӧсь уна бурсяннэз - приветствиеэз и пожеланнёэз. Нійӧ позьӧ шуны ситуативнойезӧн: кытшӧм удж керӧ мортыс, сэтшӧм кыввезӧн сійӧ и панталӧны. А ме сейчас проверита, кыдз тійӧ тӧдат энӧ кыввесӧ:
Тырдоз тэныт! - шуӧны кинлӧ? - Ягӧдалісьлӧ или тшакьялісьлӧ.
Кӧс жар да небыт корӧсь – баняӧ мунісьлӧ.
Тыр ноп тэныт.Тыр пестер! – вӧралісьлӧ нето чери кыйисьлӧ.
Волькыт туй тэныт! – туйӧ мунісьлӧ.
Чочком тэныт - песласисьлӧ нето джодж миськалісьлӧ.
Медодз висьтасись: Быд кыв зорамис асмознас. Сідз и миян коми кывным туйсӧ аслыс керис ачыс. Быдмис да зорамис, вынсяліс да бытшӧмсяліс. И ӧні, кӧр кывзам комиэзлісь сёрни, вежӧртам, кытшӧм сія лайкыт, да чорыт, ласков да лӧг, но ӧддьӧн ёся да богатӧй.И ӧні, не быд морт лыддьӧ сідз. Тшӧктам тіянлӧ унажык лыддьӧтны коми кыв вылын, лоны внимательнӧйжыкӧсь отир басни дынӧ, сэк тійӧ пыдынжыка пондат тӧдны мам кыв, радейтны сійӧ, донтны да дорйыны ны шогья, кин оз радейт ассиныс кыв да оз донт сійӧ.
Инсценировка Н.В.Пахоруковлӧн басня «Руч да кӧч».
Мӧдік висьтасись: Эм зэв ыджыт чувство- ас кыв любитӧм.
А этія - тожӧ эд счастье.
Кин оз радейт кыв – сылӧн абу сьӧлӧм,
Да оз радейт сія и асьсӧ.
Велӧтісь: Пӧдналам ассиным вежалунсӧ Надежда Федосеева песняӧн «Ась олӧ менам край».



Приложенные файлы


Добавить комментарий